جولاقى جەڭىلدىگى SMS ارقىلى جانە "مەنىڭ Beeline-ىم" ءموبيلدى قوسىمشاسىندا QR ارقىلى تولەگەندە بەرىلەدى.
"جاڭا وقۋ جىلىنىڭ قارساڭىندا ءبىز ستۋدەنتتىك ءتاريفتى جاڭارتۋدى شەشتىك. قوعامدىق كولىكتە ون رەت تەگىن ءجۇرۋ مۇمكىندىگىنىڭ ورنىنا جولاقىنى ارزانداتتىق، ەندى جولاقى نەبارى 20 تەڭگە. ازىرشە ارنايى باعا تەك ءتورت قالادا بار، ءبىراق جاقىن ۋاقىتتا بۇل سان ەكى ەسە كوبەيەدى"، – دەپ پىكىر ءبىلدىردى Beeline قازاقستان وكىلى.
نۇر-سۇلتان، اقتوبە، پەتروپاۆل قالالارىندا جولاقىنى تولەۋ ءۇشىن اۆتوبۋس ىشىندەگى جاپسىرمادا كورسەتىلگەن كولىك كودىن 2505 قىسقا نومىرىنە SMS ارقىلى جىبەرۋ كەرەك. نەمەسە سالونداعى جاپسىرمادا كورسەتىلگەن QR-كودتى "مەنىڭ Beeline-ىم" ءموبيلدى قوسىمشاسىندا سكانەرلەۋ قاجەت. ال الماتىدا وڭاي تەرمينالىنىڭ ەكرانىندا كورسەتىلگەن التى ءماندى كودتى 9909 نومىرىنە جىبەرۋ كەرەك. جاۋاپ رەتىندە SMS بيلەت كەلەدى، ونى ءتيىستى جەرىڭىزگە جەتكەنشە ساقتاۋ قاجەت.
نۇر-سۇلتان، الماتى قالالارىندا جولاقىنى بارلىق اۆتوبۋس پەن تروللەيبۋستا تولەۋگە بولادى.
پىكىر قالدىرۋ